મુક્તપંચિકા: 12/06/2006

.
શિક્ષણપદ્ધતિને મુબારક મુક્તપંચિકા! (મૂળ પોસ્ટ પ્રસિદ્ધ કર્યા તારીખ: 12/06/2006)
બારમી જૂન. આ દિવસે શાળાઓમાં નવા વર્ષના પ્રથમ સત્રનો આરંભ થયો હતો. બાળકો ખભે બોજો ઊંચકીને સ્કૂલે જવા નીકળી પડ્યા.
શાળાએ જતાં બાળકો! ભણતરના ભાર નીચે તેમનું બાળપણ કચડાઈ ગયું છે. આપ સૌએ આ કરુણ દ્રશ્ય જોયું જ હશે.
આપણે શિક્ષણના નામે, આધુનિકતાના રંગમાં બાળકોની કેવી દયનીય હાલત કરી [...]

મુક્તપંચિકા: 31/05/2006

.
મુક્તપંચિકા: (પ્રસિદ્ધિ તારીખ:18/05/2006)
————
લાવને તારી
નાજુક, નાની
હથેલીમાં, સજની
વહાલી! નામ
લખું હું મારું.
————-
રક્તિમ-પીળું
કેસરિયાળું,
બિન વાદળ નભ
નીરવ, સ્તબ્ધ!
જો! સૂર્ય અસ્ત!
————–
જનનીગોદે,
શ્વેત સુંવાળા
ઉર પર બાળક
પામે સુખથી
પયધારાને.
————–
————–

મુક્તપંચિકા: સ્વ. કવિ રમેશ પારેખ

.
મુક્તપંચિકા દ્વારા સ્વ. રમેશ પારેખને શ્રદ્ધાંજલિ:
સુપ્રતિષ્ઠિત ગુજરાતી કવિ રમેશ પારેખને અંજલિ અર્પવાનો આ વિશિષ્ટ પ્રયોગ છે. કવિના જ શબ્દોમાં તેમને શ્રદ્ધાંજલિ!
કવિની કાવ્ય-રચનાઓમાંથી કેટલીક પંક્તિઓના આધારે મેં મુક્તપંચિકાઓ રચી કવિને શ્રદ્ધાંજલિ આપી. (મૂળ પ્રસિદ્ધિ તારીખ 18/05/2006)
- - - - — - - -
તમે અમારી
ટગરફૂલ
આંખે ઝૂલ્યા રમેશ!
તમને ફૂલ
દીધાનું યાદ!
—————
પાન ફરકે
અને સઘળા
પ્રસંગ [...]

મુક્તપંચિકા: 16/05/2006

.
મુક્તપંચિકાઓ: (પ્રસિદ્ધિ તારીખ: 16/05/2006)
—————-
ઢાઈ અક્ષર
પ્રેમના પઢી,
હાથમાં તારું નામ
લખીને, ધન્ય
બની હું ! રાજ !
————–
રેશમ રાતે,
હળવા શ્વાસે,
બંધ પલક પર,
છાનુંછપનું
ઝૂલે શમણું.
—————
ચિત્તાકર્ષક
કેસરવર્ણો,
ફાલફૂલેલો, જામ્યો
ગુલમહોર!
ગ્રીષ્મબપોર!
————–
ભીતર ખાલી,
બાહ્ય સજેલા
વાણી, વર્તન, દેહ!
નામ રૂપાળું,
આધુનિકતા!
————
યોગનું યોગા!
રામનું રામા!
બુદ્ધનું કર્યું બુદ્ધા!
ધન્ય! આપણો
”ઈંગ્લિશ પ્રેમ”!
—————
આ પરપોટો,
થઈને મોટો,
ફૂલી ફૂલીને ચાલે!
જાગ ! જો ! આવ્યો!
મત્ત પવન!
—————

મુક્તપંચિકાઓ: 14/05/2006

.
મુક્તપંચિકાઓ: મૂળ પ્રસિદ્ધિ તારીખ: 14/05/2006
…………
વિશ્વફલક
પર, સઘળે
ખોજી- થાક્યો- તુજને,
ભીતર જોતાં
પામ્યો મુજને.
————–
આંબે ટહૂકી
કોયલ કાળી,
ચોમેર હરિયાળી,
રંગરસીલી
વસંત જામી.

————–
શીતલ વાયુ,
મંદ સુગંધ,
તૃણે તૃણે આનંદ!
તિમિર ક્ષય,
સૂર્ય ઉદય.
————
કોઈ ન પાસ,
ન આશ ભલે,
તું શાને ખોતો હામ?
પથિક ચાલ,
દૂર મુકામ.
————-
રંગતરંગે,
અતિ ઉમંગે,
હૈયું ઠાલું હરખે!
છુપી ન છુપે
પ્રથમ પ્રીત.
———–
સપનું બની,
આંખમાં તારી,
સાજન! મારા વ્હાલા!
રહેવું મારે
વિરહ રાતે.
———-
રામ-રહીમ,
નાનક-ખ્રિસ્ત,
મહાવીર કે બુદ્ધ!
આખર તારું
એક જ રૂપ !
———-

મુક્તપંચિકા

.
પ્રિય મિત્રો,
આ વર્ષના પ્રારંભમાં મેં “મુક્તપંચિકા” રચવાની શરૂ કરી.
મે, 2006માં “બ્લોગર” પર મારા ગુજરાતી બ્લોગનો પ્રારંભ થયો:
”મુક્તપંચિકા તથા કવિતા”. URL: http://gujarat1.blogspot.com
ગુજરાતી સાહિત્યના લઘુકાવ્યના વિશિષ્ટ પ્રકાર “મુક્તપંચિકા”થી આપ આજે સારી રીતે માહિતગાર છો. ગુજરાતી ભાષામાં ઈન્ટરનેટ પર મુક્તપંચિકાની પ્રથમ રજૂઆત ઉપરોક્ત બ્લોગ પર થઈ.
અંગત અનુભવથી અને મિત્રો સાથેની ચર્ચામાં પણ મને યુનિકોડનું મહત્ત્વ સમજાયું છે. [...]