હેરી પોટર અમદાવાદમાં (Harry Potter in Ahmedabad)

.

હેરી પોટર અમદાવાદમાં

મિત્રો! આપનો પરિચય હેરી પોટર સાથે કરાવું.

આપ કહેશો: હેરી પોટરને તો સૌ ઓળખે, પણ …. હેરી પોટર અમદાવાદમાં?

જી, હા!

અમદાવાદના નવયુવાન શ્રી ધવલ દવે અસ્સલ હેરી પોટરના પાત્ર જેવો ચહેરો ધરાવે છે.

અમદાવાદની એલ. જે. કોમર્સ કોલેજના ટી. વાય. બી. કોમ. માં અભ્યાસ કરતા ધવલ દવેના ચહેરામાં અને હેરી પોટરના ચહેરામાં અદભુત સામ્ય છે.

ભાઈ ધવલ દવે મને પ્રથમ વખત મળવા આવ્યા, ત્યારે ઘડીભર હું પણ ચકરાઈ ગયો હતો! તમને એમ જ લાગે કે તમારી સમક્ષ હેરી પોટર આવી ગયેલ છે!

તમે બોલિવુડના અભિનેતાઓના ભળતા ચહેરામહોરાં ઘણાં જોયાં હશે, પરંતુ હોલિવુડના કોઈ આર્ટિસ્ટનો “લુક-અલાઈક” સમગ્ર ભારતમાં ભાગ્યે જ જોવા મળે!

કદાચ આ જ કારણથી ધવલ દવે અગ્રગણ્ય વર્તમાનપત્રો, સામયિકો તથા લગભગ ચૌદેક પ્રાદેશિક- રાષ્ટ્રીય ટી. વી. ચેનલ્સ પર ચમકી રહ્યા છે.

આજે ગુજરાતી નેટ જગત પર આપ સમક્ષ હું ધવલ દવેને ઉપસ્થિત કરી રહ્યો છું. ભાઈ ધવલ દવેનું આપ સૌ વતી અભિવાદન કરું છું.

આપણે આપણા આ ગુજરાતી યુવાન મિત્રને ઉજ્જ્વળ કારકિર્દી માટે શુભેચ્છાઓ બક્ષીએ અને પ્રોત્સાહિત કરીએ!
.